TASWIRA ZA MAZISHI YA ALIYEKUWA MWIMBAJI WA TOT MAREHEMU MARIAM KHAMIS...!!!

 Marehemu Mariam Khamis enzi za uhai wake

Mamia ya watu walijitokeza katika mazishi ya muimbaji mahiri wa Taarab nchini Mariam Khamis maarufu kama Paka Mapepe aliyefariki juzi wakati akijifungua. Mariam alifariki katika hospitali ya Taifa ya Muhimbili ambapo mtoto wake alisalimika.

Mazishi hayo yamefanyika jijini Dar es Salaam na kuhudhuriwa na watu wa aina mbalimbali wakiwemo wasanii wengine wa muziki wa Taarab.

Miongoni mwa wasanii waliohudhuria mazishi hayo ni pamoja na Khadija Kopa, Isha Mashauzi, Mzee Yusuph na mke wake Bi Leila, Nyota Waziri, Bi Hindu na wasanii wenzake wa kundi la TOT.

 Mwili wa marehemu Mariam Khamis ukiwa unaelekea makaburini mapema leo

 Mamia ya watu walio jitokeza kumsindika dada Mariam kwenye nyumba yake ya milele

Mume wa marehemu Mariam Khamis akiingia ndani ya kaburi tayari kwa kumzika mkewe pembeni yake ni baba mkwe wake

 Tayari kwa kupokea mwili wa marehemu pindi uingizwapo ndani ya kaburi

Mwili wa marehemu Maraiam Khamis ukiingizwa ndani ya kaburi

 Tayari dada Mariam kashazikwa hapo zoezi la kufukia na mchanga likiendelea

 Mwanamuziki wa Taarab Thabit Abdul naye akiiendelea na zoezi la kufukia kaburi la dada Mariam Khamis

 Na hii ndio nyumba yake ya mwisho dada Mariam Khamis ambayo ataishi maisha yake yote

 Kaburi la marehemu dada Mariam Khamis likiwa katika muonekano ambao tayari lishafukiwa

Mume wa marehemu Mariam Khamis akiwa haamini kuwa mkewe hayuko naye tena duniani kiukweli alichokuwa akikiongea hapo pembeni ya kabuli ungekuwepo wewe rafiki yangu sidhani kama ungeweza kuvumilia lazima ungelia pole sana kaka HAJI KIJUNGU mbele yake nyuma yetu.

Mume wa marehemu Mariam Khamis aliporudi nyumbani tu kutoka makaburini alimtafuta mwanaye huyo mtoto unayemuona mwenye tisheti yenye mistari alipomuona tu akaangusha kilio cha nguvu. Mungu awatie nguvu.

---

Mariam alikuwa muimbaji wa kundi la taarab la TOT na enzi za uhai wake aliwahi kuimbia katika makundi mbalimbali ya taarab ambayo ni pamoja na East Africa Melody, Zanzibar Stars na 5 Stars.

Marehemu Mariam Khamis ameimba nyimbo nyingi zinazofanya vizuri katika muziki wa Taarab zikiwemo ‘Huliwezi bifu’, ‘Raha ya Mapenzi’ na ‘Ndo basi tena’.

Mungu ailaze roho ya marehemu mahali pepa peponi.

Picha kwa hisani ya Shakoor Jongo