BUS LA BUNDA EXPRESS LAPATA AJALI ENEO LA MAGU MWANZA

Katika eneo la katikati ya Lugeye na Nyanguge Basi la abiria la 'Bunda express" lenye namba za usajili T 782 BKZ lililokua likitokea Musoma kuelekea jijini Mwanza muda wa saa mbili asubuhi hii limepata ajali mbaya kwenye eneo hilo.
Mazingira yanaonesha kuwa idadi kubwa ya watu wamejeruhiwa na hofu kubwa imetanda eneo la tukio kuhofia usalama wa hali za abiria waliomo ndani ya basi husika kwani basi limepinduka tairi zikielekea juu, limetumbukia kwenye majaruba ya mpunga, limepondeka vibaya upande mmoja, na tayari katika muda huu napita eneo la tukio miili ya watu wawili imeonekana ikizagaa nje ya basi kandokando ya barabara na mvua kubwa inaendelea kunyesha.
Hali ya uokoaji imeathiriwa na mvua kubwa inayoendelea kunyesha eneo hili ni wachache tu abiria wameweza kupewa miamvuli na watu walio kwenye magari yanayopita eneo hili ili wapate kujisitiri.

Imesemekana kuwa Chanzo cha ajali ni mwendo kasi wa busi hilo wakati mvua zilikua zinaendelea

Mpaka habari hizi zinatufikia idadi ya watu waliopoteza maisha ni wawili na 36 majeruhi, Watu 24 waliopata majeraha makubwa wamepelekwa hospitali ya Rufaa ya Bugando jijini Mwanza, majeruhi 12 wamepelekwa Hospitali ya Wilaya ya Magu. 
Baadhi ya abiria walionusurika na jali hii wengi hapo wakiwa ni watoto wakisubiri wazazi wao wakiokolewa kutoka kwenye ajali hii.. hapakua na pakujisitiri kwani mvua iliendelea kunguruma muda wote wa tukio.

Credit: gsengo